ქალთა ლიგაზე დღევანდელი, მე-8 ტურის შემდეგ, 6 აგვისტომდე არდადეგები გამოცხადდა. მეორე წრის სტარტზე, როგორც მოსალოდნელი იყო, ლიდერებმა, მორიგი 3-3 ქულა ჩაიწერეს. გათამაშებას, კვლავ „სამეგრელო“ ლიდერობს, ბომბარდირთა დავაში კი, 15 გოლით, ლელა ჭიჭინაძე ლიდერობს.

„დინამო“ სოხუმი - „კვარტალი“ 3-1

საინტერესო დაპირისპირების მომსწრენი გახდნენ, თბილისში, სფფ-ს ვაკის საფეხბურთო ცენტრში შეკრებილი ფეხბურთის მოყვარულები, რომელიც სოხუმის „დინამოსა“ და თბილისის „კვარტალს“ შორის გაიმართა. მიუხედავად იმისა, რომ სოხუმელები, მატჩის დებიუტშივე ლელა ჭიჭინაძის გოლით დაწინაურდნენ, თამაში, განსაკუთრებით მეორე ტაიმში ორმხრივ შეტევებში წარიმართა. სოხუმელებმა, ქალთა ლიგის გათამაშების ყველაზე ახალგაზრულ გუნდს, ალბათ, უფრო გამოცდილების ხარჯზე აჯობეს. პირველ ტაიმშიც, ლელა ჭიჭინაძის ჰეთ-თრიქიც (2’, 18’, 31’) ამის დასტურია. მიმდინარე გათამაშების ბომბარდირთა სიის ლიდერის ანგარიშზე, 8 ტურის შემდეგ 15 გატანილი გოლია. მეორე ტაიმში, „კვარტალი“ უფრო აქტიური გახდა და სამი შესაძლებლობიდან, ერთი დარტყმა, 63-ე წუთზე ანანო წიქარიძის გოლით დასრულდა.

„ნორჩი დინამო“ – „სამეგრელო“ 0-1

მხოლოდ ერთი გოლი გავიდა „ნორჩ დინამოსა“ და „სამეგრელოს“ შორის დაპირისპირებაში. სფფ-ს გლდანის საფეხბურთო ცენტრში, „სამეგრელოდან“ 3-ქულიანი გოლი 61-ე წუთზე ლიზი მწყერაშვილმა გაიტანა. ქალთა ლიგის მიმდინარე გათამაშების ლიდერმა, მორიგი მშრალი მატჩი მოიგო და კვლავ, ორქულიან უპირატესობას ინარჩუნებს სატურნირო ცხრილში „ლანჩხუთთან“.

„გორი იუნაიტედი“ – „ლანჩხუთი“ 1-10

საქართველოს მოქმედმა ჩემპიონმა კი, გორში, ახალბაღის სტადიონზე ანგარიში მე-2 წუთზე გახსნა. „ლანჩხუთელთაგან“, გოლების ათვლა მარიამ კაპანაძემ დაიწყო. შეხვედრის მე-5 წუთზე, სტუმრები, უკვე ორი ბურთის სხვაობით იგებნდნე. გორელებს, მეორე ავტოგოლი გაუვიდათ. მე-15 წუთზე, ნათია წოწერიას გოლით კი, რომელმაც მეორე ტაიმში დუბლი შეასრულა, „ლანჩხუთი“ სამბურთიანი სხვაობით დაწინაურდა. ამის შემდეგ, ორი გოლი მიყოლებით (24’, 34’), ხატია ჭყონიამ გაიტანა. 39-ე წუთზე კი, ყოფილ გუნდს ეთერ სულაშვილმაც გაუტანა. ტაიმის მიწურულს თამარ ეპიტაშვილმა, პრესტიჟის გოლის გატანა მოახერხა, თუმცა, მეტი ამ დღეს, გორელებმა ვერაფერი შეძლეს. „ლანჩხუთმა“ პირველი ტაიმი 1-6 მოიგო. შეხვედრის მეორე ნახევარში კი, კიდევ 4 გოლი გაიტანა - ხატია ჭყონიამ, რომელმაც ამ თამაშში, ჰეთ-თრიქი შეასრულა, ნათია წოწერიამ და ეთერ სულაშვილმა დუბლი გაიფორმეს. აი, თათია გაბუნიას ნაცვლად, შეცვლაზე შემოსულმა მეკარემ, ლანა მჟავიამ კი, გოლი, 11-მეტრიანით, შეხვედრის მიწურულს გაიტანა.

„მართვე“ – „კოლხეთი“ ხობი 1-2

ავტოგოლით გაიხსნა ანგარიში, ქუთაისში, „ტორპედოს“ საფეხბურთო ბაზაზე. ქუთაისელებმა, საკუთარ კარში 24-ე წუთზე ჩაჭრეს. თუმცა, ამ მომენტიდან მალევე, ლანა გორგაძემ, წონასწორობა აღადგინა. „მართვემ“ თითქოს, მოახერხა თამაშის სადავეების ხელში აღება, მაგრამ ხობელთა აქტიურობას, 37-ე წუთზე თინათინ ამბალიას გოლი მოჰყვა. „კოლხეთმა“, რომელიც საპრიზო სამეულში შესვლისთვის იბრძვის, მოახერხა, თამაში გამარჯვებამდე მიეყვანა და ახლა, 14 ქულით, სატურნირო ცხრილში, მე-4 საფეხურზეა.