6 და 7 აგვისტოს საქართველოს ქალთა ლიგა განახლდება. 2022 წლის სეზონის გათამაშების ლიდერი „სამეგრელო“, მე-9 ტურში, 7 აგვისტოს თბილისში, ქუთაისის „მართვეს“ სფფ-ის ვაკის საფეხბურთო ცენტრში დაუპირისპირდება.

ამ ტურში სამი შეხვედრა კი, 6 აგვისტოს თბილისსა და ხობში გაიმართება.

„კოლხეთი“ ხობი - „დინამო სოხუმი“ / ხობი, პაატა თათარიშვილის სახელობის სტადიონი

„კვარტალი“ – „ლანჩხუთი“ / სფფ-ის ნუცუბიძის პლატოს საფეხბურთო ცენტრი

„ნორჩი დინამო“ – „ გორი იუნაიტედი“ / სფფ-ის ვარკეთილის საფეხბურთო ცენტრი

8 ტურის შემდეგ, სატურნირო ცხრილს, „სამეგრელო“ ლიდერობს 22 ქულით და ორი ქულით უსწრებს, ქვეყნის მოქმედ ჩემპიონ „ლანჩხუთს“, რომელიც ქალთა ლიგის თამაშების პარალელურად, უეფა-ს ქალთა ჩემპიონთა ლიგის 2022-2023 წლების სეზონის საკვალიფიკაციო ეტაპის თამაშებისთვის ემზადება. დასვენების პერიოდში, „ლანჩხუთი“ რამდენიმე ფეხბურთელით გაძლიერდა. გუნდს დაემატნენ ქალთა ეროვნული ნაკრების მოთამაშეები თეონა სუხაშვილი, ნინო ჩხარტიშვილი და თეონა ბაქრაძე. „ლანჩხუთში“ დაბრუნდა ასევე, ქრისტინა ბაკარანძე, რომელიც გუნდთან ერთად, უკვე იყო საქართველოს ჩემპიონი.

ამ მომენტისთვის სატურნირო ცხრილის მესამე საფეხურზეა, ძლიერთა შორის დაბრუნებული „სოხუმის დინამო“, რომელსაც 16 ქულა აქვს და მე-9 ტურში უშუალო კონკურენტს, ხობის „კოლხეთს“ მხოლოდ, 2 ქულით უსწრებს. ქალთა ლიგის ბომბარდირთა დავას კი, 15 გატანილი გოლით, სოხუმის დინამოელი ლელა ჭიჭინაძე ლიდერობს.

ქალთა ლიგის მიმდინარეობა შეგიძლიათ იხილოთ ბმულზე.