საქართველოს ქალთა ლიგის გათამაშების მე-11 ტურის ცენტრალური შეხვედრა 25 აგვისტოს, ჩხოროწყუში, ბონდო პაპასკირის სახელობის მოედანზე გაიმართება და მიმდინარე გათამაშების ლიდერი „სამეგრელო“, ქვეყნის მოქმედ ჩემპიონს, „ლანჩხუთს“ უმასპინძლებს. თუმცა, მანამდე 20 აგვისტოს ამ ტურის 3 შეხვედრა გაიმართა. 

„ნორჩი დინამო“ – „დინამო“ სოხუმი 1-8

თბილისში, სფფ-ს ნუცუბიძის პლატოს საფეხბურთო ცენტრში „ნორჩმა დინამომ“, სოხუმის „დინამოს“ უმასპინძლა. ანგარიში მე-6 წუთზე, ქალთა ლიგის მიმდინარე გათამაშების ბომბარდირმა ლელა ჭიჭინაძემ გახსნა. ჭიჭინაძის გოლით, მე-13 წუთზე სოხუმელები უკვე 0-2 იგებდნენ. თუმცა, მასპინძლები თამაშში გარდატეხის შეტანას შეეცადნენ და მე-19 წუთზე, ანა პავლიაშვილის გოლით, მისი შემცირებაც მოახერხეს. ამის შემდეგ, კი დარჩენილი დრო, სათამაშო უპირატესობასაც და ბურთსაც სოხუმელები ფლობდნენ. შედეგად, 6 გატანილი გოლია. პირველი ტაიმის შემდეგ, სტუმრები უკვე 0-5-ს იგებდნენ. ჭიჭინაძის გარდა, რომელმაც პირველ ტაიმში ჰეთ-თრიქი შეასრულა, გოლები 22-ე წუთზე ეკა ხარაიშვილმა და მე-40 წუთზე გვანცა ქადაგიშვილმა გაიტანეს. სურათი არც მეორე ტაიმში შეცვლილა თუ, არ ჩავთვლით იმ გარემოებას, რომ სოხუმელებმა, მხოლოდ სამჯერ აიღეს მეტოქის კარი. ერთი გოლი და შესაბამისად, შეხვედრაში დუბლი გვანცა ქადაგიშვილმა გაიფორმა. აი, ლელა ჭიჭინაძემ კი, ამ დღეს, ე.წ. „პენტა ტრიკი“ შეასრულა, საკუთარ აქტივში მქონე 15 გოლს კიდევ, 5 დაუმატა და 11 ტურის შემდეგ, 20 გატანილი გოლით, ერთპიროვნულად, ბომბარდირთა დავას ლიდერობს. რაც შეეხება „დინამოს“, ამ ეტაპისთვის გუნდი, 22 ქულით სატურნირო ცხრილის მე-3 საფეხურზეა. 

„კოლხეთი“ ხობი - „კვარტალი“ 1-0

ხობში, პაატა თათარიშვილის სახელობის მოედანზე მატჩის ბედი ერთმა გოლმა გადაწყვიტა. ხობის „კოლხეთი“, რომელიც მეორე სეზონია ქალთა ლიგის გათამაშებაში სტაბილურად ასპარეზობს და ანგარიშგასაწევი ძალაა, ჩემპიონატის ყველაზე ახალგაზრდულ გუნდს, თბილისის „კვარტალს“ დაუპირისპირდა. მიუხედავად იმისა, რომ ორივე გუნდს ჰქონდა გოლის გატანის შესაძლებლობა, ამის გაკეთება ხობელთაგან ანა წულაიამ, შეხვედრის 26-ე წუთზე მოახეტხა. „კვარტალმა“ ვერ მოახერხა ხელოვნული თამაშგარის შექმნა, მეკარესთან ერთი-ერთზე გასულ წულაიას კი, გოლის გატანა აღარ გასჭირვებია. 

„მართვე“ – „გორი იუნაიტედი“  5-0

ქუთაისში, „ტორპედოს“ საფეხბურთო ბაზაზე მორიგი საშინაო შეხვედრა მოიგო „მართვემ“. ქუთაისელებმა, გათამაშების აუტსაიდერის, „გორი იუნაიტედის“ კარში ხუთი უპასუხო გოლი გაიტანეს. ამასთან გოლები ორი ფეხბურთელის ანა ჯანელიძისა (24’, 90’+2) და ლანა გორგაძის (35’, 85’, 86’) მოდის. 11 ტურის შემდეგ, „მართვე“, 12 ქულით მე-6 ადგილზეა  და რეგულარული ჩემპიონატის დასრულებამდე, „ნორჩი დინამოს“ მსგავსად ინარჩუნებს „საჩემპიონო“ ოთხეულში მოხვედრის შანსს.