ცნობილია, რომ ქალთა ლიგის 2022 წლის სეზონის ოქროს მედლებისთვის ბრძოლას, რეგულარული ჩემპიონატის დასრულებამდე ერთ ტურით ადრე, „სამეგრელო“, „ლანჩხუთი“, სოხუმის „დინამო“ და ხობის „კოლხეთი“ აგრძელებენ. ძლიერთა ლიგას კი, ქვედა ჯგუფში მოხვედრილი გუნდებიდან - „მართვე“, „ნორჩი დინამო“, „კვარტალი“ და „გორი იუნაიტედი“ ერთ-ერთი დაემშვიდობება.

დებულების თანახმად, როგორ ზედა, ასევე ქვედა ჯგუფებში მოასპარეზე გუნდებს, გადაყვებათ რეგულარული ჩემპიონატის დროს ურთიერთშედეგები ნაჩვენები ქულები და გოლები. აქედან გამომდინარე, 10 და 11 სექტემბერს, მე-13 ტურში ყველაზე დიდ ინტერესს იწვევდა, ჩხოროწუხში ოქროს მედლების მაძიელებლი გუნდების მეგრული დერბი, თბილისში კი, ორი თბილისური კლუბის დაპირისპირება.

„ნორჩი დინამო“ – „კვარტალი“ 0-1

თბილისში, სფფ-ის ნუცუბიძის პლატოს საფეხბურთო ცენტრში „ნორჩმა დინამომ“, ჩემპიონატის ყევლაზე ახალგაზრდა ფეხბურთელებით დაკომპლექტებულ „კვარტალს“ უმასპინძლა და მინიმალური ანგარიშით 0-1 დამარცხდა. დაძაბულ და საინტერესო შეხვედრაში, საგოლე მომენტები ორივე გუნდს ჰქონდა, თუმცა, მატჩის ბედი, ერთადერთმა გოლმა გადაწყვიტა, რომელიც 74-ე წუთზე ანანო წიქარიძემ გაიტანა. ამ მოგებით, „კვარტალმა“ 10 ქულა დააგროვა და ნორჩ დინამოელებს წამოეწია, რომლებსაც, ისევე როგორც „მართვეს“, რეგულარული ჩემპიონატის დასრულებამდე 12-12 ქულა აქვთ.

„მართვე“ – „ლანჩხუთი“ 0-2

„მართვე“ ქუთაისში, „ტორპედოს“ საფეხბურთო ბაზაზე ქვეყნის მოქმედ ჩემპიონს, „ლანჩხუთს“ დაუპირისპირდა. მიუხედავად იმისა, რომ საქართველოს ორგზის ჩემპიონი, „მართვე“ მინდინარე გათამაშებაში, მედლებისთვის ბრძოლას გამოეთიშა, ქუთაისელებმა, „ლანჩხუთს“ სერიოზული წინააღმდეგობა გაუწიეს. თუმცა, მშრალი პირველი ტაიმის შემდეგ, გიორგი ჩხაიძის გუნდმა, 61-ე წუთზე ანგარიში გახსნა. გოლი ეთერ სულაშვილმა გაიტანა. შეხვედრის ბოლო წუთზე კი, ხატია ჭყონიამ მოახერხა მეორე გოლის გატანა.

„სამეგრელო“ – „კოლხეთი“ ხობი 2-1

ერთმა გოლმა გადაწყვიტა მატჩის ბედი მეგრულ დერბიში. ჩემპიონობისთვის მებრძოლმა „სამეგრელომ“, ჩხოროწყუში „კოლხეთს“ უმასპინძლა. გივი კვარაცხელიას გუნდმა ანგარიში მე-20 წუთზე გახსნა. გოლი, სალომე გასვიანმა გაიტანა. კიდევ 5 წუთში, თამრიკო სალუქვაძემ მეორედ აიღო ხობელთა კარი. სტუმრებმა, ყველაფერი გააკეთეს მატჩის გადასარჩენად, თუმცა, მხოლოდ ერთი გოლი გაქვითეს. 76-ე წუთზე, სვეტლანა გაბელაიას კარი, სესილი ყოლბაიამ აიღო.

„დინამო“ სოხუმი - „გორი იუნატედი“ 10-0

თბილისში, სფფ-ის ვარკეთილის საფეხბურთო ცენტრში, სოხუმის „დინამომ“ 10-0 გაანადგურა „გორი იუნაიტედი“, რომელსაც მიმდინარე ჩემპიონატში 13 ტურის შემდეგ, 0 ქულა აქვს. გორელებმა მხოლოდ 22 წუთი გაუძლეს, სოხუმელთა შეტევებს, 23-ე წუთზე კი, ანგარიში გვანცა ქადაგიშვილმა გახსნა. კიდევ 9 წუთში, გორელების კარი ნათია სხირტლაძემ (32’, 49’) აიღო, რომელმაც ამ შეხვედრაში დუბლიც შეასრულა. გათამაშების ბომბარდირთა სიის ლიდერმა ლელა ჭიჭინაძე ამჯერად, მხოლოდ „პოკერს“ (37’, 60’(პ), 79’, 87’) დასჯერდა. თითო გოლი კი, ნინო ჩანგელიამ (42’), ირინა კოზუბიმ (75’) გაიტანეს. ამ შეხვედრაში, გორელებმა საკუთარ კარშიც მოახერხეს ერთი ბურთის გადაგზავნა.

13 ტურის შემდეგ, ბომბარდირთა დავას, 27 გატანილი გოლით კვლავ ლელა ჭიჭინაძე ლიდერობს.

ქალთა ლიგის რეგულარული ჩემპიონატის ბოლო, მე-14 ტური 17 სექტემბერს გაიმართება. ამის შემდეგ, გუნდები ზედა და ქვედა ჯგუფებში ორ წრედ გააგრძელებენ ასპარეზობას.