5 ნოემბერს თბილისში, ხობსა და გორში, ქალთა ლიგის 2022 წლის გათამაშების ფინალური ეტაპის მე-4 ტურის შეხვედრები გაიმართა. აღნიშნულ ტურამდე, ზედა ჯგუფში „სამეგრელო" 23 ქულით ლიდერობდა და 5 ქულით უსწრებდა მეორე ადგილზე მყოფ, „ლანჩხუთს“. თავის მხრივ, ამ მომენტისთვის საქართველოს მოქმედ ჩემპიონს „ლანჩხუთს“  სოლიდური უპირატესობა ჰქონდა, ფინალური ეტაპის მე-4 ტურის მეტოქესთან, სოხუმის „დინამოსთან“, თუმცა, სწორედ ამ ტურში იყო შესაძლებელი საპრიზო სამეულში ადგილები, ვადაზე ადრე გადანაწილებილიყო. 

თავის მხრივ, ქვედა ჯგუფში, „გორი იუნაიტედს“ მორიგი შანსი ჰქონდა მიმდინარე ჩემპიონატში პირველი ქულა აეღო. 

ზედა ჯგუფი

„კოლხეთი“ – „სამეგრელო“ 0-2

ხობში, პაატა თათარიშვილის სახელობი სტადიონზე, მეგრული დერბი საკმაოდ დრამატული  და დაძაბული გამოდგა. ამ გუნდების წლის ბოლო დაპირისპირებაში, ორი თერთმეტმეტრიანი დაინიშნა, ორივე მასპინძლების კარში და სტუმრებმა ორივე გააცუდეს. ჯერ, პირველ ტაიმში, მსაჯის მიერ კომპენსირებულ დროში თამრიკო სალუქვაძემ ვერ გამოიყენა 11-მეტრიანი, 57-ე წუთზე კი, ნინო ბუხრიკიძემ. მიუხედავად ამისა, გათამაშების ლიდერი „სამეგრელო“ ამ მომენტებისთვის მინიმალური ანგარიშით წინ იყო. გოლი, 26-ე წუთზე ლიზი მწყერაშვილმა გაიტანა. მეორე ტაიმის შუაწელში, ბუხრიკიძემ მაინც მოახერხა გოლის გატანა და 65-ე წუთზე, მეორედ აიღო ხობელთა კარი. ჩხოროწყუს გუნდმა, მორიგი 3 ქულა ჩაიწერა და კლუბისთვის პირველ მედლებს, თანაც საჩემპიონოს, ერთი ნაბიჯით კიდევ მიუახლოვდა. 

„დინამო“ სოხუმი - „ლანჩხუთი“ 2-3

ხუთი გოლი გავიდა თბილისში, სფფ-ს ნუცუბიძის პლატოს საფეხბურთო ცენტრში, სოხუმის „დინამოსა“ და „ლანჩხუთის“ დაპირისპირებაში, სადაც ლანჩხუთელებმა საერთო ჯამში ოთხი, აქედან, ერთი გოლი, საკუთარ კარშიც კი გაიტანეს. ანგარიშ კი, მე-8 წუთზე ეთერ სულაშვილმა გახსნა. ლანჩხუთელთა შემტევს, ამ მომენტისთვის 21 გოლი დაუგროვდა და 6 გოლითღა ჩამორჩება, ბომბარდირთა დავაში, გათამაშების ლიდერს, ლელუ ჭიჭინაძეს, რომელსაც 27 გოლი აქვს, თუმცა, ბოლო მატჩებია, გამოცდილი თავდამსხმელი, ამ მონაპოვარს ვეღარ ამდიდრებს. დღესაც, სოხუმელთაგან ჭიჭინაძეს ჰქონდა გოლის გატანის მცდელობები, თუმცა უშედეგოდ. პირველ ტაიმში, სოხუმელებმა მოახერხეს გათანაბრება, 24-ე წუთზე გვანცა ქადაგიშვილის გოლით. პირველი ტაიმი კი, ლანჩხუთელთა ავტოგოლის წყალობით მოიგეს. სტუმრებმა, მეორე ტაიმში, ოდნავ მოუმატეს და ჯერ, 62-ე წუთზე, ირინა ხაბურზანიამ გაქვითა ანგარიში, შემდეგ კი, 78-ე წუთზე, სოფიკო ნარსიამ „ლანჩხუთს“ საჭირო 3 ქულა მოუტანა. 

ქალთა ლიგის გათამაშების დასრულებამდე 2 ტურია დარჩენილი. დიდი ალბათობით, სწორედ, ბოლოს წინა ტურში გაირკვევა საპრიზო სამეულის ბედი, ვინაიდან, „ლანჩხუთი“ სალხში, ევგრაფი შევარდნაძის სახელობის სტადიონზე მიიღებს „სამეგრელოს“ და შეეცდება 5-ქულიანი უპირატესობის მინიმუმამდე შემცირებას. სხვა შემთხვევაში, ჩხოროწყუელები, ვადაზე ადრე, ქვეყნის ჩემპიონობას იზეიმებენ. 

ამავე ჯგუფში, სოხუმის „დინამო“, თბილისში, სფფ-ს ნუცუბიძის პლატოს საფეხბურთო ცენტრში მიიღებს, ხობის „კოლხეთს“. ბრინჯაოს მედლებისთვის ბრძოლაში, ეს, ამ გუნდებისთვისაც გადამწყვეტი შეხვედრა იქნება, რადგან სოხუმელები, ამ მატჩის ნებისმიერი შედეგის მიუხედავად, მესამე ადგილს, საბოლოოდ გაიფორმებენ. 

ქვედა ჯგუფი

„გორი იუნაიტედი“ – „მართვე“ 0-4

გორში, "გორი იუნაიტედს" მიმდინარე გათამაშებაში პირველი ქულების აღება შეეძლო. თუმცა, ქუთაისის „მართვემ“, რომელიც ამ გუნდისთვის უჩვეულოდ, ქვედა ჯგუფში ასპარეზობს, სეზონის მიწურულს მოახერხა მობილიზება და ამ ჯგუფის ლიდერი გახდა. გორის „ახალბაღის“ სტადიონზე კი, ქუთაისელთა ლიდერმა ლანა გორგაძემ ოთხი (13’ 24’ 84’ 85’) უპასუხო გოლი გაუტანა მეტოქეს და ჩემპიონატის დასრულებამდე, 2 ტურით ადრე, ბომბარდირათა დავაში ლიდერებს, ლელუ ჭიჭინაძესა და ეთერ სულაშვილს მიუახლოვდა.

„ნორჩი დინამო“ – „კვარტალი“ 2-2

თბილისურ დერბიში, რომელიც სფფ-ს ვაკის საფეხბურთო ცენტრში გაიმართა საყაიმო ანგარიში დაფიქსირდა. შეხვედრა, გარდამავალი უპირატესობით წარიმართა და ლიდერი ორჯერ შეიცვალა. ანგარიში მასპინძლებმა, ნორჩმა დინამოელებმა, მე-14 წუთზე ლიკა მანუჩარიშვილის გოლით გახსნეს. „კვარტალმა“, მხოლოდ 55-ე წუთზე ლიზი კანკიას 11-მეტრიანით მოახერხა გათანაბრება. კიდევ 10 წუთში, 65-ე წუთზე, ანანო წიქარიძემ, „კვარტალი“ წინ გაიყვანა. გათამაშების ყველაზე ახალგაზრდულ „კვარტალს“ შეეძლო შეხვედრის მოგება, თუმცა, მატჩის მიწურულს ლიკა მანუჩარიშვილმა დუბლი გაიფორმა და „ნორჩ დინამოს“ ქულა გადაურჩინა. 

ქალთა ლიგის მომედვნო ტური 12 ნოემბერს გაიმართება.

***

ქალთა ლიგა 2-ის ბოლო ტურის, 4 შეხვედრა გაიმართა 4 ნოემბერს. აქ, გათამაშების დასრულებამდე მხოლოდ, ერთ გუნდს, „ბათუმს“ დარჩა საშინაო და საპასუხისმგებლო შეხვედრა „საჩხერესთან“. თუმცა, ამ მატჩში დაფიქსირებული შედეგის მიუხედავადაც, ქალთა ლიგის გათამაშების დებულების შესაბამისად, სოხუმის „დინამო 2“, რომელიც აღნიშნული მომენტისთვის 51 ქულით ქალთა ლიგა 2-ის სატურნირო ცხრილის ლიდერია („ბათუმს“ ერთი თამაშით ნაკლები და 50 ქულა აქვს), ლიგის მოგების შემთხვევაშიც კი, 2023 წლის სეზონიდან ვერ ითამაშებს მთავარ ლიგაში, ვინაიდან, იქ, სოხუმელებს, ერთი წარმომადგენელი უკვე ჰყავთ. შესაბამისად, „ბათუმი“ ერთწლიანი შესვენების შემდეგ, ქალთა მთავარ გათამაშებაში დაბრუნდება. 

„რაჭა 2020“ – „ბათუმი“ 0-3

„ქარიშხალა“ – „დიდგორი“ 1-3

„ფენიქსი“ – „დინამო 2“ სოხუმი 2-5

„ელიტა“ – „ეძანი“ 2-1