საზაფხულო არდადეგების შემდეგ, დღეს, ქალთა ლიგა 2-ის 2024 წლის გათამაშება განახლდება. ტურნირში, რომელშიც 14 გუნდი მონაწილეობს, 48 ქულით „სამეგრელო“ ლიდერობს. ამასთან, ჩხოროწყუელებს, ერთი თამაშით ნაკლები აქვთ ჩატარებული.

17 მატჩის შემდეგ, 43 ქულით, სატურნირო ცხრილის მეორე ადგილზეა თბილისის „ვერე“, მესამეზე კი, 35 ქულით „რაჭა 2020“ არის. გამომდინარე იქიდან, რომ მომავლი სეზონიდან ქალთა ლიგაში მონაწილე გუნდების რიცხვი 10-მდე იზრდება, ქალთა ლიგა 2-ში საპრიზო სამეულში მოსახვედრად გუნდების მოტივაციაც გაზრდილია.

მიმდინარე ჩეპიონატში, ქალთა ლიგა 2-ის გამარჯვებული და ქალთა ლიგა 2-ის მეორე ადგილოსანი გუნდი, 2025 წლის სეზონიდან, ავტომატურად, ქალთა ლიგაში იასპარეზებენ. ქალთა ლიგა 2-ის მესამე ადგილოსანს კი, ქალთა ლიგის ქვედა ჯგუფის ბოლო ადგილოსანთან ფლეი-ოფის თამაში მოუწევს.