ათი წლის წინ, 2016 წლის 26 აპრილს საქართველოში ქალთა ფეხბურთმა ახალი ათვლა დაიწყო. სწორედ ამ დღიდან, ქვეყანაში ქალთა საფეხბურთო ჩემპიონატმა რეგულარული ჩემპიონატის ფორმატში გადაინაცვლა. პირველ რეგულარულ ჩემპიონატში 8 გუნდმა მიიღო მონაწილეობა - ქუთაისის „მართვემ“, ხაშურის „ივერიამ“, თბილისის 35-ე სკოლის გუნდმა, „ლანჩხუთმა“, „ჰერეთმა“ და „ბათუმმა“.

ქართული ქალთა ფეხბურთის ახალი ათვლის ქუთაისსა და ლანჩხუთში 26 აპრილს გამართული შეხვედრებით დაიწყო. ლანჩხუთში, ევგრაფი შევარდნაძეზე „ლანჩხუთმა“ 3-0 დაამარცხა „ჰერეთი“. „მართვემ“ კი, ქუთაისის „ტორპედოს“ ბაზაზე, 10-2 სძლია „ბათუმს“.  ქალთა ლიგის პირველი გამარჯვებული „მართვე“ გახდა. ყველაზე მეტჯერ კი, საქართველოს ქალთა შორის ჩემპიონის ტუტულს „ლანჩხუთი“ ფლობდა.

წლების მიხედვით საქართველოს ჩემპიონები იყვნენ:

2016 „მართვე“

2017 „მართვე“

2018 „ნიკე“

2019 „ლანჩხუთი"

2020 „ნიკე“

2021 „ლანჩხუთი“

2022 „სამეგრელო“

2023 „ლანჩხუთი“

2024 „ლანჩხუთი“

2025 „ნიკე-ლუსო“

ამ წლების მანძილზე, ქალთა ლიგაში უცვლელად ასპარეზობენ „მართვე“ და „ლანჩხუთი“.

ქალთა ლიგის 2026 წლის სეზონში, მონაწილეობენ „მართვე“, „ლანჩხუთი“, „ნიკე-ლუსო“, „ბათუმი“, „კვარტალი“, „ვერე“, „ელიტა“, „რაჭა 2020“, „თეთრიწყარო“ და სოხუმის „დინამო“.  

აქვე გეტყვით, რომ ქალთა ლიგის 2026 წლის ჩემპიონატს, 7 ტურის შემდეგ, ქულების მაქსიმუმით 21 ქულით სატურნირო ცხრილის სათავეში „ნიკე-ლუსოა“. ქალთა ლიგის მე-8 ტური კი, სამშაბათს, 28 აპრილს არის ჩანიშნული.