ქალთა ლიგა 2-ში 7, 8 და 9 ივლისს, მე-10 ტურის მატჩები გაიმართა. მიმდინარე გათამაშებაში, პირველად დამარცხდა „რაჭა 2020“, „ზარზმამ“ კი, პირველი სამი ქულა ჩაიწერა. 10 ტურის შემდეგ, გათამაშებას ქულადაუკარგავად და ერთპიროვნულად „ბათუმი“ ლიდერობს. ამჯერათ, აჭარლებმა საჩხერის „ქარიშხალა“ ივანწმინდაში, 1-5 დაამარცხეს.

ქარიშხალა 1-5 ბათუმი

ამბროლაურის გუნდმა, რომელიც, მე-10 ტურამდე, „ბათუმთან“ ერთად დაუმარცხებელი იყო, საშინაო მატჩი, უშუალო კონკურენტთან, ხაშურის „ივერიასთან“ ორბურთიანი სხვაობით, 0-2 დათმო. ხაშურელებმა კი, ბურთების უკეთესი სხვაობის ხარჯზე, რაჭველებს, სატურნირო ცხრილში გადაუსწრეს, თუმცა, მათ, ერთი მატჩით მეტი აქვთ გამართული.

რაჭა 0-2 ივერია

მიმდინარე გათამაშებაში, „ზარზმამ“ პირველი მოგება, 3-1 ჩაიწერა აქტივში. მიუხედავად იმისა, რომ ახალციხეში, შეხვედრა პირველ წუთზე სტუმართა სწრაფი გოლით გაიხსნა, „ზარზმას“ ფეხბურთელებმა, პირველ ტაიმში ანგარიში მე-6 წუთზევე გაათანაბრეს, მეორე ტაიმში კი, ორი გოლი გაუტანეს, „ბახტრიონს“, რომელიც 10 ტურის შემდეგ, 0 ქულით, ბოლო ადგილზეა.

ზარზმა 3-1 ბახტრიონი

თბილისში, სფფ-ს ვარკეთილის საფეხბურთო ცენტრში, გათამაშების დებიუტანმა „ელიტამ“ მეოთხე გამარჯვება იზეიმა, 6-0. „დიდგორთან“ მატჩში თბილისელებმა, კარიც მშრალადაც შეინხეს, მარიამ რომანჩუკმა კი, ამ ტურიში ერთად-ერთი ჰეთ-თრიქი შეასრულა.

ელიტა 6-0 დიდგორი

ამ ტურში არ უთამაშია, სოხუმის „დინამო 2“-ს რომელიც 18 ქულით, მე-4 საფეხურზეა და 5 ქულით უსწრებს, ზუგდიდს „ფენიქსს“, რომელსაც, თავის მხრივ, ტურის შეხვედრა კახათში ჟორა გეთიას სახელობის სტადიონზე, წალკის „ეძანის“ წინააღმდეგ უნდა ეთამაშა. თუმცა, მატჩი 15 ივლისისთვის გადაიდო.

ქალთა ლიგა 2-ის მომდევნო, მე-11 ტური 13 ივლისს გაიმართება. თუმცა, მანამდე, 11 ივლისს, მე-4 და მე-9 ტურის სამი გამოტოვებული შეხვედრაა.

იხილეთ გათამაშების კალენდარი