18 და 19 მარტს ქალთა ლიგის 2023 წლის გათამაშების მეორე ტურის თამაშები გაიმართა. ამ ტურში სადებიუტო მატჩები ჰქონდათ „დინამო“ სოხუმს, რომელმაც პირველი ქულა აიღო და თბილისის „კვარტალს“, რომელმაც პირველი 3 ქულა მოიგო. სატურნირო ცხრილს კი, 2 ტურის შემდეგ 4-4 ქულით „სამეგრელო“ და „ლანჩხუთი“ ლიდერობენ.  

„სამეგრელო“ – „ლანჩხუთი“ 1-1

ჩხოროწყუში, ბონდო პაპასკირის სახელობის სტადიონზე საქართველოს მოქმედმა ჩემპიონმა „სამეგრელომ“, ოქროს მედლებისთვის ბრძოლაში მთავარ კონკურენტს „ლანჩხუთთან“ ქულები, ტურის ცენტრალურ შეხვედრაში გაიყო. ანგარიში 36-ე წუთზე თეონა ბაქრაძემ გახსნა. ბაქრაძეს, თავდაპირველად, თამარ ნადირაშვილმა აუღო პენალტი, თუმცა ბაქრაძემ დამატება მოახერხა და ლანჩხუთელები დააწინაურა. მასპინძლებმა, ანგარიშის გათანაბრება, მხოლოდ შეხვედრის ბოლო წუთზე, გუნდის ლეგიონერის, ჟიოვანას ანგარიშზეა.

„ბათუმი“ – „მართვე“ 3-1

ბათუმში, ჯონი ბაკურიძის სახელობის ანგისას სტადიონზე, ძლიერთა შორის დაბრუნებულმა „ბათუმმა“ პირველი გამარჯვება მოიპოვა. აჭარულმა გუნდმა, ქუთაისის „მართვე“ მიიღო. მშრალი პირველი ტაიმის შემდეგ, ანგარიში ბათუმური კლუბის დებიუტანტმა, თუმცა, ერთ-ერთმა ყველაზე ტიტულოვანმა ქართველმა ქალმა ფეხბურთელმა ხატია ჭყონიამ გახსნა. მატჩის ბოლოს ჭყონიამ დუბლიც გაიფორმა. მანამდე კი, ბათუმელებმა კიდევ ორი გოლი გაიტანეს, ერთი „მართვეს“ კარში, 53-ე წუთზე თათია შაინიძემ ჩაიწერა მორიგი გოლი ანგარიშზე, 75-ე წუთზე კი, აჭარლებს საკუთარ კარში ჩაეჭრათ გოლი. 

„ნორჩი დინამო“ – „დინამო“ სოხუმი 1-1

ფრედ, 1-1 დასრულდა მეორე ტურის შეხვედრა თბილისში, სფფ-ს გლდანის საფეხბურთო ცენტრში. ორი „დინამოს“ დაპირისპირების პირველი ნახევარი მშრალად დასრულდა. მეორე ტაიმის დასაწყისში კი, ნორჩმა დინამოელებმა ანგარიშის გახსნა მოახერხეს. 47-ე წუთზე, ანა პავლიაშვილმა გაიტანა. ანგარიშის გასათანაბრებლად სოხუმელებს 21 წუთი დასჭირდათ. „დინამო სოხუმს“ ქულა, ლელა ჭიჭინაძემ გადაურჩინა. 

„კვარტალი“ – „კოლხეთი“ ხობი 2-1

თბილისში, ნუცუბიძის პლატოს საფეხბურთო ცენტრში გათამაშების ყველაზე ახალგაზრდულმა კლუბმა „კვარტალმა“ ანგარიში ანანო წიქარიძის გოლით 29-ე წუთზე გახსნა. 73-ე წუთზე, თაკო სვანიძის გოლის შემდეგ, თბილისური გუნდი ორი ბურთითაც დაწინაურდა. თუმცა, მალევე 77-ე წუთზე, ნატა კვირკვიამ ერთი გოლის გაქვითვა მოახერხა. 

ქალთა ლიგის მომდევნო ტურის თამაშები 25 მარტს გაიმართება. 

 

ქსკ „სამეგრელოს“ ფოტო