საქართველოს ფეხბურთის ფედერაციაში ქალთა ლიგა 2-ის გათამაშების წილისყრა გაიმართა. ქალთა ლიგა 2-ის 2023 წლის გათამაშება სტარტს  მარტიდან აიღებს. წინა სეზონისგან განსხვავებით, რომელშიც 11 გუნდი მონაწილეობდა, ზედა ლიგაში დასაწინაურებლად ამჯერად ბრძოლას 15 გუნდი დაიწყებს. მიმდინარე გათამაშებაში, ექვსი დებიუტანტი იქნება. აღსანიშნავია, რომ სოხუმის „დინამოს“ მსგავსად, ქალთა ლიგა 2-ის გათამაშებაში მეორე გუნდით იქნებიან წარმოდგენილნი ჩხოროწყუელები „სამეგრელო 2“-ითა და ლანჩხუთელები „ლანჩხუთი 2“-ით. მათ გარდა, 2023 წლის გათამაშებაში დებიუტი ექნება კიდევ 4 ქალთა გუნდს - „თეთრიწყაროს“, თბილისის „ვერეს“, „რუსთავსა“ და „ახალგორს“. 

მინიმუმ ერთი წლით, ქალთა ლიგა 2-ში ასპარეზობა მოუწევს „გორი იუნაიტედს“, რომელიც 2022 წელს ქალთა ლიგაში ასპარეზობდა. ქალთა ლიგა 2-ში იასპარეზებენ „დინამო 2“ სოხუმი, ხაშურის „ივერია“ ამბროლაურის „რაჭა 2020“, თბილისის „ელიტა 2021“, საჩხერის „ქარიშხალა“, ზუგდიდის „ფენიქსი“, წალკის „ეძანი“ და ადგიგენის „ზარზმა“. 

წინა სეზონისგან განსხვავებით, ქალთა საფეხბურთო ჩემპიონატებში „ტაიმაუტი“ აიღეს სტაჟიანმა ქალთა საფეხბურთო კლუბებმა მცხეთის „დიდგორმა“ და ახმეტის „ბახტრიონმა“.  

რაც შეეხება ჩემპიონატს ის ორ წრედ, წრიული სისტემით გაიმართება. პირველადგილოსანი გუნდი კი, 2024 წლის ქალთა ლიგაში ასპარეზობის უფლებას მოიპოვებს. 

ქალთა ლიგა 2-ის 2023 წლის გათამაშების სადებიუტო პირველ ტურში გუნდები შემდეგნაირად დაწყვილდნენ:

პირველი ტური 

31 მარტი

„ახალგორი“ – „ფენიქსი“

„ვერე“ – „ეძანი“

„ივერია“ – „რაჭა2020“

„ზარზმა“ – „ელიტა 2021“

„გორი იუნაიტედი“ – „ლანჩხუთი 2“

„ქარიშხალა“ – „სამეგრელო 2“

1 აპრილი

„რუსთავი“ – „დინამო 2 სოხუმი“

გამომდინარე იქიდან, რომ ქალთა ლიგა 2-ის გათამაშებაში კენტი გუნდი მონაწილეობს, ყოველ ტურში თითო გუნდს დასვენება უწვეს. ასეთი პირველ ტურში, დებიუტანტი „თეთრიწყაროა“.