დღეს, ქალთა ლიგა 2-მა აიღო სტარტი. 2023 წლის გათამაშებაში 15 გუნდი, მათ შორის, 6 დებიუტანტია. აღსანიშნავია, რომ სოხუმის „დინამოს“ მსგავსად, ქალთა ლიგა 2-ის გათამაშებაში მეორე გუნდით იქნებიან წარმოდგენილნი ჩხოროწყუელები „სამეგრელო 2“-ითა და ლანჩხუთელები „ლანჩხუთი 2“-ით. მათ გარდა, 2023 წლის გათამაშებაში დებიუტი აქვს კიდევ 4 ქალთა გუნდს - „თეთრიწყაროს“, თბილისის „ვერას“, „რუსთავსა“, და „ახალგორს“.

დღეს, გათამაშების პირველი ტური გაიმართა. ორი შეხვედრა ფრედ, 2-2 დასრულდა. ხაშურის გრიგოლ ჯომართიძის სახელობის სტადიონიდან „ივერიასთან“ მატჩში, ქულის წაღება მოახერხა ამბროლაურში „რაჭა 2020“-მა. პირველი ქულა აიღო, დებიუტანტმა თბილისის „ვერ“-მაც სფფ-ს ვარკეთილის საფეხბურთო ცენტრში. თბილისელებმა ქულები წალკის „ეძანთან“ გაიყვეს. 

საჩხერის „ქარიშხალამ“, დიდი ანგარიშით, 2-8, ჩხოროწყუში, ბონდო პაპასკირის სტადიონზე დაამარცხა „სამეგრელო 2“. ბორჯომში, ჯემალ ზეინკლიშვილის სახელობის სტადიონზე კი, თბილისის „ელიტამ“, ქარიშხალივით გადაურა მასპინძლებს და საბოლოოდ 0-13 იმარჯვა. 

ჩემიონატის სასტარტო შეხვედრაში, კასპის ცენტრალურ სტადიონზე, გათამაშების დებიუტანტმა „ახალგორმა“, ზუგდიდის „ფენიქსი“ მინიმალური ანგარიშით 2-1 დაამარცხა.

„გორი იუნაიტედმა“ კი, რომელიც ქალთა ლიგაში 2022 წლის წარუმატებელი სეზონის შემდეგ, ქალთა ლიგა 2-ში დაქვეითდა მინიმალური ანგარიშით, 1-0 „ლანჩხუთი 2“ დაამარცხა. 

ტური პირველ აპრილს, რუსთაში დასრულდა, სადაც ადგილობრივმა კლუბმა „დინამო სოხუმის“ მეორე გუნდს უმასპინძლა და 2:1 დაამარცხა. 

გამომდინარე იქიდან, რომ ქალთა ლიგა 2-ის გათამაშებაში 15 გუნდი მონაწილეობს, ყოველ ტურში თითო გუნდი დაისვენებს. პირველ ტურში „თეთრიწყარო“ ისვენებდა.