მეშვიდე ტურში „ლანჩხუთმა“ მხოლოდ, ერთი დღით მოახერხა დაწინაურება და ტურის ბოლო შეხვედრის შემდეგ, რომელიც 14 მაისს ჩატარდა, ქალთა ლიგის გათამაშების სატურნირო ცხრილში კვლავ ორხელისუფლებიანობა აღსდგaა. 

თბილისში, სფფ-ს გლდანის საფეხბურთო ცენტრში, „ნორჩი დინამოსა“ და ქვეყნის მოქმედი ჩემპიონის „სამეგრელოს“ დაპირისპირებაში ანგარიში მე-5 წუთზე ლიზი მწყერაშვილმა გახსნა. მე-10 წუთზე, მასპინძლებმა საკუთარ კარში გოლი ჩაჭრეს. დიდი ალბათობით, სწორედ, ეს გამოდგა გადამწყვეტი მომენტი, ვინაიდან, ჩხოროწყუელთაგან მაიკო ბებიამ, ამ ტაიმში კიდევ ერთი გოლი, 37-ე წუთზე გაიტანა. „სამეგრელო“ შესვენებაზე სამბურთიანი სხვაობით გავიდა. მეორე ტაიმში, მასპინძელთაგან, ანა პავლიაშვილმა 63-ე წუთზე პრესტიჟის გოლი გაიტანა. „სამეგრელომ“ 1-3  მოიგო. 

მორიგი 3 ქულა ჩაიწერა „ლანჩხუთმაც“. თბილისში, სფფ-ს ნუცუბიძის საფეხბურთო ცენტრში „კვარტალთან“ დაპირისპირებაში, მე-18 წუთზე ანგარიში სტუმრებმა, თინათინ ამბალიას გოლით გახსნეს. მასპინძლებმა, მეორე ტაიმის საწყის წუთებში, მოახერხეს ანგარიშის გათანაბრება მარიამ მამფორიას გოლის შემდეგ. 66-ე წუთზე, გურულებს მეკარე გაუძევეს. თუმცა, 10 ფეხბურთელით დარჩენილმა გუნდმა, მოახერხა მობილიზება და 83-ე წუთზე, თეონა ბაქრაძემ გამარჯვების გოლი გაიტანა. შეხვედრა, „ლანჩხუთის“ გამარჯვებით, 1-2დასრულდა. 

ერთმა გოლმა გადაწყვიტა მატჩის ბედი ქუთაისში, ნიკეას ბაზაზე, რომელშიც „მართვემ“, „სოხუმის დინამოს“ უმასპინძლა. ანგარიში, „მართვემ“ მე-3 წუთზე, ანა ჯანელიძის გოლით გახსნა. ამის შემდეგ, სტუმრებმა მოახერხეს თამაშის გაკონტროლება და მასპინძლებს სამი გოლი გაუტანეს - ლიზი კაკულიამ (16’), ლელა ჭიჭინაძემ (17’), მარიამ გოგოლაძემ (20’), ოთხწუთიან მონაკვეთში თამაშის შემოტრიალება შესძლეს. შეხვედრის მიწურულს, 63-ე წუთზე, ჯანელიძემ დუბლი გაიფორმა, თუმცა, ქუთაისელებმა, მატჩის გადარჩენა ვერ მოახერხეს. სოხუმის „დინამომ“ 2-3 მოიგო. 

ფრედ, 1-1 დასრულდა შეხვედრა ხობში, პაატა თათარიშვილის სახელობის სტადიონზე. ხობის „კოლხეთსა“ და „ბათუმის“ დაპირისპირებაში, ანგარიში 24-ე წუთზე თათია შაინიძემ გახსნა და სტუმრები დააწინაურა. მასპინძლებმა, მხოლოდ 76-ე წუთზე მოახერხეს ქულის გადარჩენა. გოლი, ლიზი ცაავამ გაიტანა. 

ქალთა ლიგის რეგულარული ჩემპიონატის პირველი წრის შემდეგ, სატურნირო ცხრილს, 19-19 ქულით, „ლანჩხუთი“ და „სამეგრელო“ ლიდერობენ. მათ გარდა, რეგულარული ჩემპიონატის ზედა ჯგუფში მოხვედრის კარგი შანსი აქვთ, „კვარტალსა“ და სოხუმის „დინამოს“. თუმცა, რეგულარული ჩემპიონატის დასრულებამდე, ჯერ კიდევ დროა და კიდევ, ბევრი რამ შესაძლოა შეიცვალოს.