21 სექტემბრიდან ქალთა ლიგის გათამაშება განახლდება. რეგულარული ჩემპიონატის დასრულების შემდეგ, გუნდები, ორ ჯგუფად, ზედა და ქვედა ჯგუფებში გადანაწილდნენ და შესაბამისად, ჩემპიონობისთვის და ძლიერთა შორის დასარჩენად გააგრძელებენ ასპარეზობას. გათამაშების ამ ეტაპზე გუნდებს, რეგულარული ჩემპიონატის დროს ურთიერთშეხვედრებში დაფიქსირებული შედეგები და გატანილ-მიღებული გოლები გადაჰყვათ, ქულებთან ერთად. ორივე ჯგუფში თამაშები ორ წრედ ჩატარდება.

ზედა ჯგუფში მოხვდნენ და ჩემპიონობისთვის ბრძოლას აგრძელებენ თბილისის „კვარტალი“  (13 ქულა), „ლანჩხუთი“ (12), თბილისის „ნიკე-ლუსო“ (10) და „ბათუმი“ (0). იხილეთ, სატურნირო მდგომარეობა.

ქვედა ჯგუფში ითამაშებენ თბილისური გუნდები „ნორჩი დინამო“ (16 ქულა) და „ელიტა“ (10), ქუთაისის „მართვე“ (7) და ხობის „კოლხეთი“ (1). იხილეთ, სატურნირო მდგომარეობა.

ქალთა ლიგის 2024 წლის გათამაშების დებულების თანახმად, ქვედა ჯგუფის ბოლო ადგილზე გასული გუნდი, ქალთა ლიგაში ადგილის შესანარჩუნებლად, ქალთა ლიგა 2-ის მესამეადგილოსანთან ერთმატჩიან ფლეი-აუთში ითამაშებს. ქალთა ლიგა 2-ის პირველ და მეორე ადგილზე გასული გუნდები კი, 2025 წლის სეზონიდან ქალთა ლიგის გათამაშებას ავტომატურად დაემატებიან - ახალი სეზონიდან ქალთა ლიგაში, 8-ის ნაცვლად, 10 გუნდი იასპარეზებს.