საქართველოს ქალთა საფეხბურთო სეზონი 2025 წლის 9 მარტს აიღებს სტარტს. გათამაშებაში წინა სეზონებისგან განსხვავებით სიახლეა - რვა გუნდის ნაცვლად, მასში მონაწილეობას ქალთა 10 გუნდი მიიღებს.

2024 წლის სეზონის ქალთა ლიგა 2-ის პირველ და მეორე ადგილზე გასულმა კლუბებმა, ქალთა მთავარი ლიგის ახალ სეზონში თამაშის უფლება გათამაშების დებულების თანახმად ავტომატურად მიიღეს. ქალთა ლიგა 2-ის გამარჯვებული „სამეგრელო“ და „ვერე“ ძლიერთა შორის არიან.

აი, ქალთა ლიგის ბოლო და ქალთა ლიგა 2-ის მესამე ადგილოსნებმა კი, მთავარ ლიგაში საასპარეზო საგზური, ერთმატჩიან დაპირისპირებაში მოიპოვა - „რაჭა 2020“-მა, ხობის „კოლხეთი“ დაამარცხა და წელს ქალთა ლიგაში იასპარეზებს.

ქალთა ლიგაში, 2025 წლის სეზონზე, ზემოთა აღნიშნული გუნდების გარდა იასპარეზებენ, მოქმედი ჩემპიონი „ლანჩხუთი“, „ნიკე-ლუსო“, „კვარტალი“, „ელიტა“, „ბათუმი“, „ნორჩი დინამო“ და „მართვე“.

ქალთა ლიგის გათამაშება ტრადიციულად ორ ეტაპად ჩატარდება. პირველი ეტაპი მოიცავს რეგულარულ ჩემპიონატს, რომელიც თავის მხრივ, ორ წრედ გაიმართება და სახლი-გასვლის პრინციპით, გუნდები, 18-18 შეხვედრას გამართავენ. ამის შემდეგ, გათამაშება მერე ეტაპზე გადავა, რომლის დროსაც, პირველ ოთხ ადგილზე გასული გუნდი ზედა ჯგუფში, ორ წრედ, ჩემპიონობისთვის იბრძოლებს. ორ წრედ, მხოლოდ, ძლიერთა შორის ადგილის შესანარჩუნებლად იბრძოლებს, სატურნირო ცხრილის მე-5-10 ადგილზე გასული, საერთო ჯამში 6 გუნდი. ქვედა ჯგუფში ბოლო ადგილოსანი, ავტომატურად მომდევნო სეზონისთვის ერთი ლიგით დაქვეითდება. ბოლოს წინა ადგილზე გასული გუნდი კი, ქალთა ლიგა 2-ის მეორეადგილოსანთან ფლეი-აუთში შეეცდება ურთიერთობის გარკვევას.