22 მარტიდან სტარტს, საქართველოს ქალთა საფეხბურთო ლიგა 2 აიღებს. გათამაშებაში, საქართველოს სხვადასხვა რეგიონიდან 14 გუნდი მიიღებს მონაწილეობას. რეგულარული ჩემპიონატის დასრულების შემდეგ, რომელიც ორ წრედ ჩატარდება და გუნდებს საერთო ჯამში, 26-26 შეხვედრის გამართვა უწევთ, გამარჯვებული, ავტომატურად, 2026 წლის სეზონზე, ქალთა ლიგაში გადაინაცვლებს. მეორე ადგილოსანს კი, ქალთა ლიგის ქვედა ჯგუფის ბოლოს წინა ადგილზე გასულ გუნდთან, ფლეი-ოფის თამაში მოუწევთ.

გასული სეზონში შემდეგ, ქალთა ლიგა 2-ში ხობის „კოლხეთი“ დაქვეითდა, რომელიც ბუნებრივია, ძლიერთა შორის დაბრუნებას შეეცდება. ქალთა ლიგის გათამაშებაში არის სამი დებიუტანტიც, „სპაერის“ ქალთა გუნდი, „საბურთალო“ და „დ10 აკადემია“.

აღიშნული გუნდების გარდა, ქალთა ლიგა 2-ში იასპარეზებენ „ახალგორი“, „გორი იუნაიტედი“, „დინამო გაგრა“, „დინამო სოხუმი“, „ეძანი“, „ზარზმა“, „თეთრიწყარო“, „ივერია“, „ნორჩები“ და „რუსთავი“.

პირველი ტური სამ დღეს არის გადანაწილებული და როგორც უკვე აღვნიშნეთ, 22 მარტს თბილისში, სფფ-ის ვაკის საფეხბურთო ცენტრში, „დინამო გაგრასა“ და „საბურთალოს“ შეხვედრით გაიხსნება.

ქალთა ლიგა 2-ის კალენდარი შეგიძლიათ იხილოთ ბმულზე.