სანაკრებო შესვენებამდე, რომელიც დღევანდელი, მე-4 ტურის შემდეგ დაიწყო და 13 აპრილამდე გასტანს, საკმაოდ საინტერესო შეხვედრებით გამოირჩა.

ამბროლაურში,  აგრანო ვაჩაძეს სახელობის სტადიონზე, ადგილობრივმა „რაჭა 2020“-მა ქალთა ლიგაში პირველი ქულა აიღო. რაჭველებმა, ქუთაისის „მართვესთან“ მშრალი ფრე, 0-0 ითამაშე.

მხოლოდ ორი გოლი გატანა მოახერხა, ჩხოროწყუში ჩასულმა „ნიკე-ლუსომ“ მასპინძელი „სამეგრელოს“ კარში. თუმცა, ბონდო პაპასკირის სახელობის სტადიონზეც მოახერხა 3 ქულია აღება და ოთხი ტურის შემდეგ, დაუმარცხებელი და ამავდროულად, მშრალად შენახული კარის მქონე გუნდის სტატუსი. მიუხედავად მარცხისა, „სამეგრელოს“ რომელიც, ერთწლიანი შესვენების შემდეგ, ძლიერთა ლიგაში დაბრუნდა, გადაწყვეტილი აქვს მედლებისთვის იბრძოლოს. დღესაც, მასპინძლებმა სათანადო წინააღმდეგობა გაუწიეს მეტოქეს და ამაზე, ის გარემოებაც მეტყველებს, რომ შეხვედრაში პირველი გოლი, პირველი ტაიმის მიწურულს გავიდა. 44-ე წუთზე, იულია სლიასარჩიკმა გაიტანა. 48-ე წუთზე კი, 11-მეტრიანით, „ნიკე-ლუსო“ თეონა ბაქრაძემ დააწინაურა, პირად აქტივში კი, ფეხბურთელმა მე-12 გოლი ჩაიწერა.  „ნიკე ლუსომ“ 0-2 გაიმარჯვა და „ლანჩხუთთან“ ერთად, ოთხი ტურის შემდეგ, დაუმარცხებელია.

დაძაბული გამოდგა შეხვედრა, სფფ-ის გვიმბალაურის საფეხბურთო ცენტრში, სადაც ქვეყნის მოქმედმა ჩემპიონმა „ლანჩხუთმა“,  „ბათუმს“ უმასპინძლა. ანგარიში მე-3 წუთზე ეთერ სულაშვილის სწრაფი გოლით გაიხსნა. პირველი ტაიმისთვის, მსაჯის მიერ კომპენსირებულ პირველ წუთზე,  „ლანჩხუთელთა“ მაისურით, გოლების ათვლა, ანანო წიქარიძემაც დაიწყო. მეორე ტაიმში, ეთერ სულაშვილმა კი, 71-ე წუთზე დუბლი გაიფორმა. გურულებმა, საბოლოოდ 3-0 იმარჯვეს და როგორც უკვე აღვნიშნეთ, „ნიკე-ლუსოსთან“ ერთად ქულების მაქსიმუმით, დაუმარცხებლად ლიდერობენ.

საინტერესო და უხვგოლიანი გამოდგა შეხვედრა თბილისში, სფფ-ის ნუცუბიძის პლატოს საფეხბურთო ცენტრში, სადაც „კვარტალმა“, „ელიტას“ უმასპინძლა. ანგარიშის მიუხედავად, რომელშიც მასპინძლებმა 5 უპასუხო გოლი გაიტანეს, ვერ იტყვი, რომ სტუმრებს შანსები არ ჰქონდათ. მაგალითად, გამოცდილ ანა კირვალიძეს შეეძლო გოლის გატანა, ისევე როგორც, ნათია ჯოჯუას, რომელსაც კვარტალის მეკარემ, ლიკა ცუხურკაიძემ აუღო. მიმდინარე ჩემპიონატში კვარტალის შემადგენლობაში სტაბილურად კარგად თამაშობენ, თინათინ ამბალია და ნინო პასიკაშვილი, თუმცა, დღეს გოლი არც ერთს გაუტანია. სამაგიეროდ, ამბალიას გადაცემით, ანგარიში მე-6 წუთზე, ლიზი გოგოლაძემ, გახსნა. მალევე, მე-13 წუთზე, ლიზი კანკიამ, საჯარიმოს გარედან, ზუსტად დაარტყა და ანგარიში ორამდე გაზარდა. კუთხურს მოჰყვა, 30-ე წუთზე, მესამე გოლი „ელიტას“ კარში, რომელიც ელისაბეტ (ზუი) რიჟამაძის ანგარიშზეა. ტაიმის მიწურულს, 44-ე წუთზე კი, კანკიამ დუბლიც გაიფორმა და რეალურად, პირველი ტაიმის ბოლოს გადაწყვიტა მატჩის ბედი. მეორე ტაიმში, „კვარტალმა“ კიდევ ერთი გოლი გაიტანა, მარიამ გასანოვას გადაცემის შემდეგ, 69-ე წუთზე მარიამ ცისკარიშვილმა აიღო „ელიტას“ კარი და საბოლოო ანგარიში, 5-0 დააფიქსირა. 

მე-4 ტურში ყველაზე დიდი ანგარიში, თბილისში, სფფ-ის ვარკეთილის საფეხბურთო ცენტრში დაფიქსირდა. „ვერემ“, „ნორჩ დინამოს“ 15-0 სძლია. ამ შეხვედრაში 6 გოლი თამარ ეპიტაშვილმა გაიტანა, სამი გოლი ლიზი ნიშნიანიძის ანგარიშზეა, სამმა ფეხბურთელმა ანა კულდონაშვილმა, ელენე გაზდელიანმა და ნინო ივანიძემ კი, დუბლი გაიფორმეს.

დღეიდან, როგორც უკვე გითხარით, 13 აპრილამდე, ქალთა ლიგაზე შესვენებაა გამოცხადებული.