20 და 22 სექტემბერს ქალთა ლიგის მორიგი სათამაშო დღე იყო.  ზედა ჯგუფში ერთი, ქვედაში კი, ყველა დაგეგმილი თამაში, ერთის გამოკლებით, 20 სეტქემბერს ჩატარდა. აქვე გეტყვით, რომ ზედა ჯგუფის მეორე ტურის შეხვედრა „ელიტასა“ და „კვარტალს“ შორის 22 სექტემბერს, „ნიუ ვიჟენის“ სტადიონზე ჩატარდა.

მანამდე კი, 20 სექტემბერს თბილისში, სფფ-ის დიდი დიღმის საფეხბურთო ცენტრში, ტურის და ჩემპიონატის ცენტრალური შეხვედრაში, გათამაშების ლიდერმა „ნიკე-ლუსომ“, ოქროს მედლებისთვის ბრძოლაში უშუალო კონკურენტი „ლანჩხუთი“ 2-1 დაამარცხა. 

თამაში კი, საკმაოდ საინტერესოდ წარიმართა, მასპინძელთა უპირატესობით და სწრაფი გოლით დაიწყო. მე-4 წუთზე, სოლანჟე კარვალიაშმა გახსნა ანგარიში და პირველ ტაიმში, ალბათ ძლიერი ქარი რომ არა, მას დუბლიც ექნებოდა. სხვათა შორის, მთელი მატჩის მანძილზე, საკმაოდ საინტერესო დუელი ვიხილეთ ეროვნულ ნაკრებში თანაგუნდელებს, თეონა ბაქრაძესა და ნინო ჩხარტიშვილს შორის. ლანჩხუთელი მცველის სანაქებოდ უნდა ითქვას, რომ მან ამოცანას ჩინებულად გაართვა თავი და საუკეთესო იყო სტუმართა გუნდიდან. თეონა ბაქრაძემ კი, რომელსაც 32 გოლი აქვს მიმდინარე ჩემპიონატში გატანილი, ზედა ჯგუფის მეორე ტურის შეხვედრა გოლის გარეშე დატოვა. გოლი ვერ გაიტანა ვერც ეთერ სულაშვილმა, რომელიც ამ მომენტისთვის ზედა ჯგუფში 30 გოლი აქვს გატანილი. 63-ე წუთზე, გაბი და სილვამ ანგარიში ორამდე გაზარდა „ნიკე ლუსოელთა“ სასარგებლოდ.  86-ე წუთზე კი, ანანო წიქარიძის ჩაწოდებული ჯარიმის შემდგე, ჩისომ ონიევუენი ანგარიში ერთ ბურთამდე შეამცირა. მსაჯის მიერ კომპენსირებულ დროში, სტუმრებს ჰქონდათ ანგარიშის გათანაბრების საშუალება, თუმცა, დასწრებაზე თბილისელთა მეკარემ ითამაშა კარგად. საბოლოოდ, შეხვედრა 2-1 დასრულდა „ნიკე-ლუსოს“ გამარჯვებით.

სატურნირო ცხრილი

ქალთა ლიგის ზედა ჯგუფის მეორე ტურის მეორე შეხვედრა დღეს, 22 სექტემბერს გაიმართა. თბილისში, „ნიუ ვიჟენის“ სტადიონზე, „ელიტამ“, „კვარტალს“ უმასპინძლა. თბილისური დერბი საინტერესო გამოდგა და ორივე გუნდს ჰქონდა გოლის გატანის შესაძლებლობა, თუმცა, ოდნავ მეტი ალბათ, უფრო მასპინძლებს, რომლებმაც მეორე ტაიმი 9 ფეხბურთელით დაასრულეს.

20 სექტემბერს გაიმართა ქვედა ჯგუფის სამი მატჩი გაიმართა:

„ვერე“, სფფ-ის ვარკეთილის საფეხბურთო ცენტრში ქალთა ლიგის დებიუტანტ „რაჭა 2020“-სთან 0-2 დასრულდა. სტუმართა გუნდიდან, ორივე გოლი კესო მეტონიძემ გაიტანა, რომელსაც ამ მომენტისთვის ორივე ზედა და ქვედა ჯგუფში ყველაზე მეტი, 34 გოლი აქვს გატანილი.        

ჩხოროწყუში, ბონდო პაპასკირის სტადიონზე, „სამეგრელომ“, ანგარიშით 6-0 დაამარცხა „ნორჩი დინამო“. მეგრული გუნდიდან გოლები ანა კირვალიძემ (14’, 54’, 87’), მარიამ თოდუამ (27’), ვერიკო ბერიამ (48’) და მარიამ გოროზიამ (67’) გაიტანეს.

ქუთაისში, სფფ-ის ტექნიკურ ცენტრში, ადგილობრივი „მართვე“ მშრალი ანგარიშით, 0-3 დამარცხდა „ბათუმთან“. აჭარული გუნდიდან, ანგარიში მე-10 წუთზე ელენე ბოლქვაძემ გახსნა. 74-ე წუთზე მან დუბლიც შეასრულა. თუმცა, მანამდე, ანა გოდერიძის ავტოგოლით, ქუთაისელებმა სტუმრებს საქმე გაუმარტივეს.

სამი ტურის შემდეგ, ქვედა ჯგუფში, სატურნირო ცხრილში 32 ქულით „ბათუმი“ ლიდერობს.

ქალთა ლიგის მომდევნო ტური ორივე ჯგუფში, 4 ოქტომბერს არის ჩანიშნული. 

ფოტო მარიამ რევიშვილი / „ნიკე-ლუსო“